文本歌词

【粤剧】牡丹花发状元红 2/2 - 彭炽权/邓碧云
相爷
做乜
出边有个女人佢话要见状元喎
佢重话系状元夫人添
有咁嘅事
系
重有封信做证
唔
嗱你即刻出去话俾佢听
你唔好俾佢入嚟噃
你话状元落咗乡
吓
状元落咗乡呀
你第日嚟揾佢啦
我寻郎被拒见
备尝尽了凄酸
追忆往事
旧情尽化烟
恨悔难言
柔肠断
衣衫泪染
郎何变心
恩德不念
娇妻助你
遂你凌霄志愿
今日显贵
尽地忘过了从前
你咁样嘅形容
人间确少见
睇你忽男又忽女
定有苦处愧难言
何事短叹与长嗟
触起我同情之念
你既慈祥
又有同情念
待我将身世诉君前
我本状元妻
不畏跋涉长途
历尽艰难危险
恨夫君
忘恩负义
另结良缘
我到京师
岂料被拒门前
致令到缘悭一面
最担心
盘川将尽
不禁五内交煎
我忙相劝
莫悲酸
你今时遭遇
实在可怜
望你静气平心
无须挂念
店中嘅用度
我可以将就你几天
讲到状元爷
我睇佢未必心肠变
待我从中帮助
等你地相见续前缘
金樽玉醪致奉
敬祝宰相
更祝宰相福寿长
金玉满华堂
子孙多福享
世代贤臣伴君皇
哈哈哈
饮胜饮胜
大家请进一觞
定必杯杯饮清光
我祝各人健旺
酒也香
肉也香
照例干杯最应当
敬祝相爷健旺
今日我好开心
各位同聚一堂
真令我老怀欢畅
我又最难忘
喜见济济贤士
同心合力辅君皇
重有样最开心
小女选就东床
可了向平之想
各位如果要问
谁是乘龙佳婿
就系今科魁首嘅状元郎
贼呀
嚟
相爷
睇到吗即刻将佢押上去大厅
叫状元连夜审讯佢
你姓甚名谁
快对本官直禀
小民名叫刘铭越
你在相府司何职
荐你是谁人
泰安栈福伯介绍我嚟做厨子嘅
你都胆大非常
你居然偷印
我实在冤枉呀大人
唔系我偷嘅
家阵有凭有证
劝你休想瞒人
我系
我实在是好人嚟
听闪烁言词
令我疑云阵阵
你抬起头来
唉吔
哦哦哦
睇你好眉好貌
唔似系盗窃之人
睇佢一表斯文
家阵吓到成身震
话佢做贼确难相信
佢地或者捉错人
你头脑乜咁简单
佢不过系整成咁咋
家阵人赃已并获
靓仔未必系良民
我想将佢押起先
明天至开堂审
而家经已深夜
相爷应分抖吓精神
唔好啦好啦
咁呀
将佢押起先
听日再审讯过佢啦吓
千重心事受苦向谁言
万里寻郎偏惹不白之冤
又怕相认反害了夫婿
皇天助我
免教埋恨黄泉
妻你莫个愁复怨
有幸见妹面
夫君心觉又悲又苦似又甜
你重男扮相
我莫解疑团
你就气焰
一朝显贵妻房任见捐
甘薄幸
往事化烟
悔当初
逆了慈父言
我为见夫面
此身不畏艰难共辛酸
抵京后感慨万千
我访夫被拒门前
应征入相府
冀相会有缘
岂料横来祸变
今日有口亦难言
你无庸悲酸
娇妻你且听我诉从前
我被人来暗算
佢太阴险
我当初高中状元
曾修书将金献
岂料吴年立了歪心
佢话娇妻已丧黄泉
噩耗惊闻
不禁肝肠寸断
未必旁人将你骗
若果存心欺骗
应该骗你金钱
佢有心拆散我良缘
妻你到此访寻
我亦缘悭一面
我睇薄幸郎心已变咯
你若有情有义
又何致另订情鸳
只为误传你归天
今日我在阳间
你呢段婚姻
点样打算
我有理由将佢推断
关于相爷印信
何以会在你跟前
的确未知佢嘅来源
咁事发之前
你又有何所见
我思潮起伏未成眠
乘夜潜踪求一面
但觉朦胧人影入眼帘
拾印无心成罪谴
夫你堂前审讯不便明言
为免牵连
唯有低头不辩
系咁就唔怕咯
娇妻无庸恐惧
我当为你伸冤
升堂
心中火滚
心中火滚
你份竟然是盗印人
存心太狠
哦哦哦
居然死猫一只
要我掂煲吞
搅到含血喷人
我个心难忿嘅噃
哦
你重想唔认添
你重恶人先告状
我有据有凭
我响客栈听到晒咯
笑话
有话捉贼要拿赃
盗印凶徒曾被困
关我乜嘢事嘅
我查明佢系冤枉
你存心加害好人
哈哈
有赃有证重话好人
唔通我坏品咩
而家发达咯
我睇你都识够人叻
当初来京师
瞓都冇定瞓
呃我讲人情
个阵认乡亲咯
中状元
叻到文
丞相招女婿
全靠我做媒人
你对我恩义都未酬劳
居然冤枉我到咁
你良心响边度
怪不得话负心尽是读书人咯
你太糊涂
贼唔审
冤枉我
笑死人
你一定受咗犯人赃
唔敢将佢来审问啰
系唔系
系唔系吖
好呀
侮辱长官无礼甚
胡言一片我怒火如焚
带上犯人
指证你更阑盗印
呢的人真金不怕洪炉火
石狮唔怕雨来淋
犯人犯人
本官一心将你份怜悯
你话你冤枉呀
家阵有办法将冤伸
你上前去认明哪个盗印
你话出呢保证你将冤伸
大人大人
呢单衰相冚个人震罅
佢够黑心
想我丧归阴
佢以前都有意来害我咯
实在佢盗印
想迫死我至甘心
佢当堂认出你系盗印人
你休想甩身
咁审案就确新闻
官帮贼想杀恩公
认真气坏人
昨晚夜静重黑鼆鼆
你点指证我夜里来盗印呀吓
影子似晒你咁身段
影都当我系真人呀
咁点成立证据
你认真胆够糊涂害好人呀
唏
你苦不招供
本官要严刑拷问
哦哦哦
你全无证据
你想苦打成招加害良民咯嘛
相爷到
相爷到
爹拈返张手令嚟俾你
即将罪犯麦雄
暂缓斩首
丞相李来中
唔唔
呢的直头系阿吴年笔迹嚟嘅噃
一见吴年心火滚
居然胆大立歪心
作歹为非来盗印
女儿发现实据真凭
你重冤枉无辜
快些从实招来
否则难捱夹棍
你好从实招供咯噃
唉吔吔
小人知罪
望相爷开恩
吴年
你快些签供
一班犯人押往牢中监禁
刘铭越无罪
立即放人
哦哦哦
贤契呀
做乜你与犯人跪在我身前
真令我难明底蕴
君你有保心事
不怕直陈
起身啦
呢一个苦命人
本是女扮男装
真情可感
她她她
她正是门生内助
不辞千里寻觅夫君
唉我恨吴年
佢播弄阴谋
冒我家书
休弃红粉
佢更传噩耗
话我妻房身丧
想我攀龙附凤
另结朱陈
今日有幸相逢
望丞相你开恩
许我解除令千金婚嫔
哦哦哦
哦哦哦
咁我头晕头晕
求怜悯
我的夫妻两人
情深爱深
同捱苦困
我离亲恩
心心相印
助郎步青云
正喜大志能酧
偿素愿
何忍便弃钗裙
求大人
成全续鸳盟
唔
咁啊
你起身先
你起身先
谢恩师大人
悲失意情场
令我殊哀感
我愿庵堂来削发
抛弃俗世红尘
若果你去做师姑
我做和尚都有分
最弊你地姻缘曾订下
冇咗女婿我点见人
有负小姐你深情
我自知罪甚
丞相女就唔忧嫁咯
鬼叫我独爱你一人
唉个个榜眼你憎佢哨牙
个进士你话唔合衬咯
御史你又嫌佢瘦
探花你又话肥腾腾
个个状元未死老婆
整定你唔够运
小姐真情义
幸得相国代我雪冤沉
报李要投桃
让夫郎你谐合卺
岂能横刀来夺爱
此事万万不能
不如咁嘞
你两个同事一夫
未知你地肯唔肯呀
相爷好办法
从此一家人
夫你快的拜见岳丈大人
我恭身敬谨
一家团聚
喜欢欣