文本歌词

喂 伙计
嚟啦
嚟啦
你为乜系处乱咁敲啫
你又为乜冇个在店前
人家个心柳咁乱
事关我亚哥有病染呀
哦
唔怪得冷落荒凉
不比往日个间龙凤店
你都未知酒楼几冷淡
近日此地大不如前
系呢你嘅杨柳腰儿
亦比从前瘦损
你何必花言巧语
可谓一个轻薄嘅少年
哎吔我美酒都未沾唇
你居然先来一碗猫面
请你斯文应尊重
点菜至为先
酒菜就慢慢嚟
我想喫个芙蓉面
哈乜你咁嘅啫
冇解噶你
你闹就随便闹
我系要摸你一摸添
睇你貌似潘安
一表斯文
谁想你行为咁不检噶
你噶轻狂噶举动
十足斯文无赖
下流贱格你学到齐全
你系处捏面又摸头
我本是濯水青莲
虽出于污泥而不染
我呢个当炉女
亦知廉耻礼义
岂到你口不择言
鬼叫你咁销魂
鬼叫你咁风骚咩
引我入来呢间龙凤店
可见得我系有心来帮衬
你应该招待周全
系呢
你们用龙凤做招牌
究竟出自何经何典
点解
讲到龙凤店
以龙凤为名
因为兄是龙时妹是凤
都算改得几自然
哦 原来你叫做凤姐呀
咁系啦
个名改得真系甜咯
甜甜甜
咩你叫做凤姐咩确系甜
可惜个店名欠自然
哈 凤与龙乱配真系笑话
应该孖我结凤鸾
今日龙凤店
摆下龙凤宴
我地两家至系龙凤噃
配得几啱线
乜你礼教都全唔念
有心点菜就快滴啦
我唔愿听
唔通等到你埋年
任你龙肠 凤翅
我一概不要
只要凤姐将心献
栏开啦 栏开
乜你个口得咁贱
咁耐唔扯真啊真讨厌
你只采花粉蝶莫再痴缠
我地奇逢万里缘牵一线
我做到当今帝主至系龙
龙你就会飞上天啦
何必疑心瞒骗
你家阵确系确系发紧癫
有凭啊据
当今宝印在目前
呐 睇真下我个宝印啦
哎呀拦开啊
你真疯癫 胆包天
居然冒至尊
盼玉人相眷恋
我呢一世与你无缘
何必再冤
凤姐呀你休多疑惑
望真我个玉印先
你重要猫低然后至睇得见
睇下内中啊文字
姐呀你就心甜
睇真下
哎呀原来系真噶
果然玉印亳光闪
奴奴自悔太过失言
圣上请将奴赦免
乞赐为妃伴君前
你骨似梅花人绝艳
盈盈秋水肖生怜
大好名花殊堪恋
愿为粉蝶绕裙边
御笔亲题成铁卷
呐为皇咁就册封江南你凤姐为贵妃
谢龙恩
呢一个多情皇帝
今晚共结龙凤奇缘