文本歌词

新马师曾、崔妙芝 - 朱卖臣下
旦 福心啦 好心啦
可怜施舍嗄哩个乞儿婆啦
恩爱于当初
专揾我遭横祸
不该作孽多
唉 到今受折磨
自悔淫贱有因果
乞米惩罚我
乜咁多人喺度呀嗄
生 寒酸洗尽换衣罗
金殿抡元钦点我
南宫折桂喜如何
衣锦荣归
我接受几许官绅嚟道贺
旦 唉吔
佢高中返嚟真喺好咯
见前夫 佢荣归衣锦
使我感慨良多
我要重相遇 认夫郎
望佢海量汪涵原谅我
中军 趱道
生 哈吖 本状元衣锦荣归
一路上鸣锣喝道
你还不闪避在两旁
还敢叫苦连声
拦途于道左呀又
旦 状元郎
小妇人正是
状元爷嘅前妻崔氏
中军 嚄呵
旦 今日我拦途相认
望夫你原谅我当初啦
生 哦 乜你喺崔姑娘咩
旦 系呀
生 唔喺啩
哩佢貌美又年青
艳似芙蓉花一朵呀
睇你垢面蓬头休骗我
鹑衣百结似个乞儿婆
佢都改嫁如意郎君
当不愁折堕
可见你分明撞骗
你冒认嗰位崔氏娇娥
旦 唉 我真喺你嘅老婆嚟咖
生 待我传口令
驱逐呢个叫化婆
旦 唉吔 唔好呀
生 我且算你无知小过
人嚟 赶
旦 唉吔 唔好呀
中军 喂 去去去
旦 你咪赶我啦官长
听我讲啦
请君休发怒火
见否我珠泪滂沱
崔如花今知错咯
请收容免令我污声播
唉 状元郎
生 做咩
旦 昔日我千差万错
错在我贪慕虚荣
后来惨遭遗弃
今日回头觉岸
我望你冰释前嫌
许我自新 收容复合
生 又嚸会你折堕到
会做到乞儿娘呀又
旦 你原谅我啦
生 你得金钱帮助
更有情郎护助
风流乐享嚸会来求我
我未能助
旦 原谅我啦
唉 忆仳离写分书
真个绝情
抵我受折磨
我求郎 你谅我
当初为贪偕乐
谁料惹横祸
我悔效蛾儿扑火
自悔寻求恶果
生 却原来喺我猜错
你确喺如花
当真折堕咗哩
旦 唉 因果报得实太苛
天公太苛
原谅我一次啦
状元郎
生 你都何必怨天尤人
你怨下你自己
所作所为罢啦你
旦 我都知道自己唔啱咖啦
生 今朝磨折都未为苛
你一步行差就会千日错
记否分书嚟逼写
去另结丝丝萝
你为着贪慕虚荣
忍心抛弃我咯
你今日反遭人遗弃
可证得果报 无讹
你原可夫贵妻荣
偏要弄到今时
得咁折堕
旦 夫呀
悔当日木匠担枷
到今朝自食其果
我惨遭遗弃受灾磨
红杏暗出墙
都估话可托终身
半载赋同居
一朝抛弃我
一朵好名花
都不幸风霜曾历尽
珠黄人老断肠多
沦落后 幸相逢
请念结髪情亲
郎助我
生 哼
旦 原谅我啦
生 如果你当初喺肯念
结髪之情嘅
就不致有今日之祸啦衰嘢
我为谁人家倾破
你重敢求吾助
而家鬼睬你呀
旦 嘛嘛哋啦
生 唔睬
旦 你原谅我啦
生 天公责罚赐灾磨
旦 我好比羔羊求脱祸
生 哼
今日正喺果报循环
若果要得你都唔喺人呀
旦 但愿重圆破镜
喜谐和
生 你好比蛾儿冲火焰过咯
旦 又好比风卷残花
落愁河
唉 不若我为奴为婢
若果你唔应承我嘅
我就死咗佢
生 喂喂喂
旦 我死啦
生 唉
睇佢要死要生难拒绝
不若我思量妙计暂延俄
好 嗱
我要你马前覆水若重收
旦 马前覆水呀
生 纵使喺无理要求
也当许可
生 阿如花
嗱你考虑清楚啵嗄
马前覆水
我要你点滴重收
倘有半点失落
都算你输咖啦
旦 咁呀
咁等我求下只马大哥
帮忙我至得咯
祷告神祈助我收覆水
旧时琴瑟再谐和
叫句马大哥
你切不可摆尾摇头
否则就难圆镜破
生 中军
中军 喺
生 搦水嚟
中军 领命
旦 嗱啊马大哥
你有灵有性
你千祈唔好喐呀
喐嚫就载唔翻咖啦
唉吔死咯
衰马病马
你真喺唔争气咯
生 哼 哈哈 哈哈
啊哈哈哈哈
唉
正喺马前若可收覆水
咁就平阳大地
亦可变江河
哩朵残花不配状元妻
我欲破镜重圆天不助呀
人嚟 打道
旦 唉吔 唔好走呀
你真喺唔爱我呀
唉吔 啊 真喺惨咯
一念虚荣遭天罚
我何必要偷生人世
受灾磨