00:00/00:00
随时随地任意搜索并下载全网无损歌曲
扫描右侧二维码下载歌曲到手机 
免费获取更多无损音乐下载链接
文本歌词
殷盛的梓里 - 勒毛措
词：周拉加
曲：仁青巴仁
音乐宣传：谢旦贴吧工作室
ལྷུན་པོའི་རྩེ་ནས་དད་པའི་བསང་ཞིག་ཕུད་ནས།
རླུང་བུ་ལྷོད་ཀྱིས་རྒྱུ་བའི་ཀློང་ལ་ཞུགས་དུས།
སེམས་ཀྱི་དྲོད་ཤ་སྨུག་པའི་རྒྱུན་དང་འགྲོགས་ནས།
སྤང་གི་མེ་ཏོག་བཞད་པའི་དབུས་ལ་སིམ་སོང་།
རྟ་ནོར་ལུག་གསུམ་རྩེན་པའི་འབྲོག་ཐང་དེ་ནས།
གཡང་གི་འབྲི་མོ་འཇོ་བའི་བཞོ་དབྱངས་སྙན་མོ།
ཞོགས་པའི་རྩྭ་ཟིལ་འཐོར་བའི་འོད་དུ་གྱུར་ཏེ།
འོ་མའི་རྒྱ་མཚོ་འཁྱིལ་བའི་ཀློང་ལ་འཐིམ་སོང་།
ཨ། ང་ཡི་ཕ་ས་ཕྱུག་མོ།
འོ་མའི་མེ་ཏོག་དཀར་པོ།
གཙང་པོའི་འགྲམ་ནས་དུང་བའི་མཆོད་ཅིག་འཕངས་ནས།
རླབས་ཀྱི་རྩེ་དགའ་དགོད་པའི་ཀློང་ལ་ཞུགས་དུས།
སྙིང་གི་རློན་ཤ་ཆུ་བོའི་རྒྱུན་དང་འགྲོགས་ནས།
ཞིང་གི་སྙེ་རླབས་དགོད་པའི་ཀློང་ལ་སིམ་སོང་།
གྲོ་ནས་སྲན་གསུམ་སྨིན་པའི་རོང་ཡུལ་དེ་ནས།
འབྲུ་དྲུག་མཛོད་ལ་བསྡུ་བའི་འབྲེག་དབྱངས་སྙན་མོ།
ཉི་མའི་འོད་ཟེར་འཕྲོས་པའི་མདངས་སུ་གྱུར་ཏེ།
ནས་ཀྱི་རྒྱ་མཚོ་འཁྱིལ་བའི་ཀློང་ལ་ཟེགས་སོང་།
ཨ། ང་ཡི་ཕ་ས་ཕྱུག་མོ།
ནས་ཀྱི་མཆོད་རྟེན་སེར་པོ།
ཨ། ང་ཡི་ཕ་ས་ཕྱུག་མོ།
ནས་ཀྱི་མཆོད་རྟེན་སེར་པོ།
