文本歌词

Trois ballades de François Villon, L. 119 - Debussy: Trois ballades de François Villon, L. 119: I. Ballade de Villon à s'amye (维庸的三首抒情诗歌 - 第一首 维庸给他情人的叙事歌) - Alison Hagley/The Cleveland Orchestra
Lyrics by：François Villon
Composed by：Claude Debussy
Produced by：Dr. Marion Thiem/Karl-August Naegler
Faulse beauté qui tant me couste cher
Rude en effect hypocrite doulceur
Amour dure plus que fer à mascher
Nommer te puis de ma deffaçon sœur
Charme felon la mort d'ung povre cueur
Orgueil mussé qui gens met au mourir
Yeulx sans pitié ne veult droict de rigueur
Sans empirer ung povre secourir
Mieulx m'eust valu avoir esté crier
Ailleurs secours c'eust esté mon bonheur
Rien ne m'eust sceu de ce fait arracher
Trotter m'en fault en fuyte à deshonneur
Haro haro le grand et le mineur
Et qu'est cecy mourray sans coup ferir
Ou pitié peult selon ceste teneur
Sans empirer ung povre secourir
Ung temps viendra qui fera desseicher
Jaulnir flestrir vostre espanie fleur
J'en risse lors se tant peusse marcher
Mais las nenny ce seroit donc foleur
Vieil je seray vous laide et sans couleur
Or beuvez fort tant que ru peult courir
Ne donnez pas à tous ceste douleur
Sans empirer ung povre secourir
Prince amoureux des amans le greigneur
Vostre mal gré ne vouldroye encourir
Mais tout franc cueur doit par Nostre Seigneur
Sans empirer ung povre secourir