文本歌词

The Twa Corbies - Rebecca Pidgeon
Lyrics by：Rebecca Pidgeon
Composed by：Rebecca Pidgeon/Paul Miller
As I was walking all alane
I heard twa corbies making a mane
The tane unto the t'other say
'Where sall we gang and dine to-day?'
'Where sall we gang and dine to-day?'
'In behint yon auld fail dyke
I wot there lies a new-slain knight
And naebody kens that he lies there
But his hawk his hound and his lady fair
But his hawk his hound and his lady fair
'His hound is to the hunting gane
His hawk to fetch the wild-fowl hame
His lady's ta'en another mate
So we may mak our dinner sweet
So we may mak our dinner sweet
Ye'll sit on his white hause-bane
And I'll pike out his bonny blue een
Wi' ae lock o' his gowden hair
We'll theek our nest when it grows bare
We'll theek our nest when it grows bare
There's mony a ane for him makes mane
But nane sall ken whare he is gane
O'er his white banes when they are bare
The wind sall blaw for evermair
The wind sall blaw for evermair