00:00/00:00
随时随地任意搜索并下载全网无损歌曲
扫描右侧二维码下载歌曲到手机 
免费获取更多无损音乐下载链接
文本歌词
感受 - 贡波桑周
词：安曲谢尼
曲：云丹贡布
སྲིད་པའི་འབྱོར་བ་མེད་པའི་བུ་ཆུང་ངས།།
དྲང་བདེན་སྐད་ཆ་བཤད་ཀྱང་རློམས་ནི་ཉུང་།།
དོན་བཟང་བྱ་བ་བསྒྲུབས་ཀྱང་དགའ་ནི་ཉུང་།།
ཁ་ལས་མེད་པའི་བུ་ལ་ངོ་སོ་ཆུང་།།
ཁ་ལས་མེད་པའི་བུ་ལ་ངོ་སོ་ཆུང་།།
རིག་པའི་བང་རྩལ་མེད་ན་ངོ་ཤེས་ཉུང་།།
འཚོ་བའི་ཆ་རྐྱེན་ཞན་ན་གཉེན་ཉེ་ཉུང་།།
བཙན་པོའི་དཔུང་ཁག་མེན་ན་རིག་ནི་ཉུང་།།
རྒྱབ་རྩ་མེད་པའི་བུ་ལ་ངོ་སོ་ཆུང་།།
རྒྱབ་རྩ་མེད་པའི་བུ་ལ་ངོ་སོ་ཆུང་།།
ལ་རྒྱའི་སྙིང་གཏམ་བཤད་ཀྱང་ཉན་ནི་ཉུང་།།
མི་རིགས་ཁེ་ཕན་བསམ་ཡང་སེམས་ནི་ཉུང་།།
ཐུན་མོང་རང་དབང་བརྩད་ཀྱང་རོགས་ནི་ཉུང་།།
དབང་ཐང་མེད་པའི་བུ་ལ་ངོ་སོ་ཆུང་།།
དབང་ཐང་མེད་པའི་བུ་ལ་ངོ་སོ་ཆུང་།།
བཙན་པོའི་གཉའ་གནོན་བྱས་ཀྱང་སྐྱོབ་ནི་ཉུང་།།
སྡུག་གི་ཞྭ་མོ་ལྕི་ཡང་ལེན་ནི་ཉུང་།།
འུ་ཐུག་མིག་ཆུ་བཞུར་ཡང་ཕྱི་ནི་ཉུང་།།
རིན་ཐང་མེད་པའི་བུ་ལ་ངོ་སོ་ཆུང་།།
རིན་ཐང་མེད་པའི་བུ་ལ་ངོ་སོ་ཆུང་།།
ཕྲག་དོག་ཚིག་གི་ཟུར་ཟ་བྱེད་ནི་མང་།།
སྡིགས་དམོད་དམའ་འབེབ་བྱེད་མཁན་ཉུང་ཉུང་མིན།།
ཨ་ལ་ཨ་མཚར་མིན་པའི་མྱོང་ཚོར་འདི།།
ཡ་ཁོག་སྙིང་ནས་བརྡོལ་བའི་བདེན་གཏམ་ཡིན།།
ཡ་ཁོག་སྙིང་ནས་བརྡོལ་བའི་བདེན་གཏམ་ཡིན།།
