文本歌词

彭炽权、琼霞 - 艳曲动皇心
女唱：更深愁对月
怜此薄命人
今宵添恨怨
自叹愁自困
湖里光如镜
好比天河挂孤灯
月色多娇媚
光亮照孤衾
孤衾凭谁伴
孤雁若离群
柳荫和月影
歌女独清 吟
男唱：良宵美景踏月行
今晚月色撩动我
步过花荫听歌音
谁家歌仙韵
不知谁人
妙手在月底瑶琴
男白：哦 忽见楼畔美人湖畔影
真系对人对影都醉吾心咯
女唱：我琴弦歇
急于窥望
见佢轻佻态度眼甘甘
女白：我啋
男唱：我为你生得靓
一心要睇真
我并非系狂者你唔在震啵
女唱：谁共你厮混
你人越礼可恨
睇你评头又再品足我心怒愤
男唱：我叫句楼 楼上人
我看人看月你冇权问
你先睇我仲闹人
女唱：我几时凝望你个衰神
男白：喂喂喂
男唱：姐呀你咪发娇嗔
请你毋容闹人
女唱：皆因你失礼乱撩人
男唱：最好请来楼下
我拜见佳人
女白：哦 乜你叫我落楼咩
哼 落楼咪落楼咯
我咁大个女
唔通怕你咁大个仔咩
男白：系啰
等我欣赏下你嘅月貌花容
与共青丝秀发至得
女白：唉吔 咪喐呀你
眼看手勿动
睇时睇吖嘛
点解你要闻人啲头发
咁衰格嘅啫
男白：呢啲唔系睇
又唔系闻
女白：吓 唔系睇
又唔系闻 咁系乜嘢呀
男白：呢啲就叫做索吖嘛
女白：唉吔 我啋
女唱：请你莫接近
俾你索到我惊心
女白：你真系衰格呀你
男唱：拜在榴裙望谈下心
更望和娇心印心
望你送青丝
好来做纪念品啫
女唱：你妄想何太甚
男唱：我欲盼娇垂怜
念我痴可悯
倒拜石榴裙
女唱：君呀恕难
赠送我青丝发
男唱：使我失望沉吟
女唱： 你要明瞭
我共你谈心已算侥幸
男唱：我要求你送纪念品啫
女唱：打过你只手心
男唱：吓咁就证明
你实在有我心
女白：虾 真系好笑嘞
边个有你心呀
鬼有你心呀
男白： 仲话冇
人少少认咗佢啦
小姐贵姓芳名
我急于请问呀
女白：哦 虾 乜你咁冤气嘅啫
不过你问到我
我就紧系讲嘅
嗱 你听住啦啵
我姓卫名紫卿
淮阴人 年方廿四
八月十五午时出世嘅
仲有呀 我未嫁咖
不过都唔关你事喇
请呀 你不愿与你多讲闲文
我扯喇
男白：呃 咪行住
女白：唉呀 做乜拉手拉脚嘅啫
男唱：我叫句小 娇 娃
休要卖弄唇枪舌剑
更莫谓眼底无人
龙凤喜 相逢
我俩缘证三生
注定你今宵
行咗个好 运啵
凤眼都未惺忪
见否我龙袍玉带
更见否我玉玺 随身
我非浪子
正是人上人
请细看我嘅黄金玉印
女白：唉呀 乜原来系真咖
唉呀 该煨啰
男白：哼 你得罪咗皇帝
你衰啦你
女唱：真系有缘能相会
估话有幸会明君
谁料天子太风流
风流到唔立品
你不管民间苦
只晓低拜石榴裙
若无玉玺以证明
我当你系浪子登徒
都有份呀
男白：哈哈哈 闹得好
闹得妙呀
男唱：卿你梅花为骨
雪为心
何幸得蒙娇教训
难得你敢言敢谏
是个忠耿钗裙
你更有月貌花容
真使我陶醉甚
我之所以行 同浪子
无非系一 试
佳 人
孤爱你淑德淑德幽娴
更可敬你忠 君
赐封妃 嫔
女白：封我做皇妃呀
唔～我真系唔制呀
男白： 哦
女唱：帝主纵 怜 香
我不敢妄发虚荣梦
多感你一 片
情 深
闻得帝苑是樊龙
冷酷是宫廷
一失足便 成
千古 恨
皇后最 拈酸
自古话伴君如伴虎
我宁甘沦落在风尘
侬有弟
宁作公主骑奴
佢韬略深明
屡诫我不可妄图侥幸呀
男白：唓 好心你
咪咁自作聪明啦紫卿
男唱： 未必君王皆薄幸
勿负孤怜香惜玉心
弟凭姐贵享荣华
何况佢抱负奇才
正好忠于朕
男白：紫卿上前听封
封你为卫夫人呀
女白：我谢龙恩
女唱：我姊弟相依为命
何幸同沐皇恩
飞上枝头变凤凰
薄命桃花凭 庇 荫
男唱：正喜步上银河能抱月
良缘天赐
结 同 心啊