00:00/00:00
随时随地任意搜索并下载全网无损歌曲
扫描右侧二维码下载歌曲到手机 
免费获取更多无损音乐下载链接
文本歌词
ཆུ་ལེན་བུ་མོ།
གཞས་པ་ ཀླུ་མོ་ཚོ། ཚིག་ སྨན་བླ་སྐྱབ།
ཆུ་ལེན་བུ་མོའི་དབུ་ལྕོག་ཀྲོགས་སེ་ཀྲོག།
སྐྲ་ནག་ལན་བུའི་གཟི་འོད་ཀྱུགས་སེ་ཀྱུག།
གོམ་ཆུང་ཁྲ་མོའི་འདེགས་འཇོག་ལྡེམས་སེ་ལྡེམ།
ཡིད་འོང་ལང་ཚོའི་འཇོ་སྒེག་ངོམ་སེ་ངོམ།(3)
མོག་མོག་ལམ་ཆུང་སྐྱ་བོ་དྲངས་སེ་དྲང་།
བུ་མོའི་རྣ་རྒྱན་ཁོ་ན་སིལ་སེ་སིལ།
སྙན་པའི་གཞས་ཆུང་ཐོག་མ་སིང་སེ་སིང་།
སེམས་ན་རེ་སྨོན་གསར་པ་ལྷངས་སེ་ལྷང་།(3)
ཆུ་མོ་གཟུགས་འཆར་མེ་ལོང་དྭངས་སེ་དྭངས།
ཉི་མ་དངུལ་ལྕོག་ནང་ན་ཀྲིགས་སེ་ཀྲིག།
ཉ་ཆུང་གསེར་མིག་འདྲོགས་ནས་འཁྱུགས་སེ་འཁྱུག།
ཞོགས་པའི་རོལ་མོ་འདི་ན་ཤགས་སེ་ཤག།(3)
མདང་ནུབ་ཨ་ཇོའི་གསང་གཏམ་ཤུབས་སེ་ཤུབ།
ཆུ་ལེན་བུ་མོའི་ལུས་སེམས་དྲོད་སེ་དྲོ།
སྙིང་ཆུང་སྙིམ་པའི་མཐིལ་ན་ལྟོགས་སེ་ལྟོག།
བུ་མོ་བུ་མོའི་གྲལ་ན་ལྷངས་སེ་ལྷང་།(4)
