文本歌词

Cheng Xiong、Douachi Yang - Nkauj Zaj +Txiv Neeb Perspective
Zaj laug ntxhais nkauj ntxawm
Tuaj taug kev ncig pes pas dej ua si
Thiaj li tuaj pom nraug hmoob tus ntsuj plig
Zoo li nraug hmoob tu siab heev
Kuv thiaj li ya mus nrog nws tham
Kuv nug nws hais tias ua li cas
Ua li cas nraug hmoob tuaj taug kev
Ib tug tu tu siab li no naj
Nws qhia rau kuv tias nws poj niam
Siab phem tham tus tshiab tso nws tseg
Nws thiaj li mob siab lub neej ntxhov
Thiaj li tau ib lub neej le
Kuv thiaj li hais nws koj txhob nyuaj siab
Yog luag tsis hlub tseem tshuav kuv thiab
Kuv mam li pab nws kom nws zoo siab
Mus pib dua ib lub neej tshiab
Ces muaj ib hnub kuv nrog nraug hmoob
Taug kev ua si ze pes peb zos
Kuv thiab nraug hmoob wb cia li mus
Zaum ntawm ib lub pob zeb nrov nrov
Kuv thiaj li tau cog lus
Rau tag nrho tias kuv mam nyob no
Tias txawm kuv yog zaj nws yog neeg los
Wb yeej yuav tsis sib tso
Thaum ua ntawd tas wb thiaj li sawv
Npaj taug kev mus lwm qhov chaw
nyuam qhuav piv taug kev xwb
Wb cia li pom ib tug txiv neeb tuaj
Txiv neeb cia li los tuav nraug hmoob tes ruaj ruaj
Txiv neeb hais nraug hmoob kom nrog nws mus
Qhov ntawm kuv mus tuav nraug hmoob tes
Kuv thiaj hais rau nraug hmoob hais tias
Txoj kev hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub
Tej neej nyob hauv yaj ceeb twb tuag
thiab ncaim lawm ntau txhiab puav tus
Twb vim nej cov zaj ntawm nej
Pheej tuaj ntxias thiab pheej tuaj hu
Lub ntuj thiaj li tso
Peb cov txiv neeb li kuv no
Los pab tib neeg yaj ceeb kom muaj
Txoj kev ywj pheej thiab muaj lub suab luag
Kuv tuaj ntawm no tsis yog tias
Kuv xav tug muaj xaiv thiab muaj lus
Kuv tuaj ntawm no tsis yog tias
Kuv chob txws tuaj txiav neb kev hlub
Tab sis neeg yaj ceeb
Xav kuv tuaj coj lawv tus neeg
Kuv thiaj li ua tsis tau li cas
Vim kuv yug los ua ib tug txiv neeb
Nkauj zaj
Koj twb muaj kev npam
Kev kaum ntau tiam tag los lawm
Yog koj tseem coj tus tub no
Nrog koj hlub txim tsis txawj tag nawv
Yog koj hlub nws tiag
Ces tos nws ib puas nees nkaum xyoo tso
Txog thaum ntawd koj yuav coj koj mam coj koj
Tsis muaj leej twg yuav cheem koj
Me tub koj mloog kuv lus
Kuv yeej tau tauv neb txoj kev hlub
Tiam sis thov koj cia li nrog kuv rov qab
Vim koj daim ntawv no haj tsis tau tag
Kuv tsis tshuav sij hawm ntev lawm
Nkauj zaj thov tso tus tub los nawb
Zoo li tsis kam txhob tu siab nawb
Txheev leej vam com vam leej vam com
Txoj kev hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub
Txoj kev hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
Zam kev rau wb
Kom nws cia wb sib hlub hauv dab ntub