文本歌词

旦：我错嫁买臣叹倒运
我满心苦困
佢两餐都不继
自称君子乐贫
唉吔我最怕喺捱穷
心真不甘
我暗里结识情郎
立心改嫁别人
哈个衰佬呀
咁抵死喎
日头落岗嘞
都重未斩倒柴返嚟添喎
好等一阵间哩
我借头借路
嚟逼佢离婚至得咁衰
生：唉
真喺悲失运啰
二竖侵
今朝我仲发紧冷啰
带病入 山行
真枉我满腹珠玑
也要捱饥馑
怪不得话百无一用
就是书生
空负我饱学多才生活困
只为点金无术
我今作採樵人
不幸家有一个蛮妻
可叹佢难安份啊
只知把虚荣贪慕
不知所谓淑妇安贫
唉真个是柴米夫妻
我事事强为哑忍
生：唉唉阿如花
旦：咩呀舍得拦返嚟啦咩
生：唉你咪开口就闹咁阴功吖
我今日唔知嚸解斩柴
梗喺成日都觉得沾寒沾冻咁样
都唔知几辛苦呀
阿花唔该你同我走去
走去药材铺执剂廿四味
俾我饮
赊住先好唔好
旦：唉吔执药饮添呀
好心你咯
无钱仲病乜鬼嘢啦
生：我都话赊啦嘛
旦：我话之你死呀唔赊
生：哦阿花我咁样同你做夫妻
叫你同我赊剂药嚟饮嘅都话唔得
你都唔好咁绝啊你
旦：好绝咩哼
无钱咪学人病啦衰佬
我睇见你就衰啦真喺
生：唉吔
乜你咁都噏得出架花你
旦：哼
生：为何待我咁狠心
一旦当路人
旦：哼你寒贫啰
生：赊剂药我饮啫
旦：执药要银嘅
生：叹贫穷在路边无人问
苦煞你良人
旦：你个病坏灾瘟
生：唉吔乜噉讲呀
旦：更令你妻捱穷受苦困
生：艰辛不过暂强忍啫
旦：我饥馑都实恶忍
不再受你呃凼
生：妻莫发牢骚
须知小人穷斯滥
而我则君子安贫
旦：无钱就无得讲啦
生：守得云开见月明
旦：我等你有钱呀我都老啦
生：终有日否极泰来
劝妻你应宜守本份
贫贱夫妻百事哀啊
纵使牛衣相对泣
只嬴得烦恼加深啊
达人应知命
他日夫贵就便妻荣
开讲话先苦后甜
唉你都休怨恨好嘛
旦：唉吔唔该你啦
你哩几句说话
我听都听到厌啦
哩个现实嘅人生
我不能心存幻想
等到你高中带挈我做夫人
就算你学姜子牙
到晚年富贵荣华
可惜我已经都无命等咯
好彩我仲年青
生：喺咯噉咪好啰
旦：凭我嘅花容月貌
结识一位理想嘅俏郎君
生：啊
旦：有势有财英俊甚
话要你粮无隔宿太清贫
佢可以助你金百两
唯是要离婚
生：吓
旦：精嘅你就当堂允肯呀
喂俾钱你离婚啵
要唔要啊
要咗佢啦穷鬼
生：哼呢啲咁嘅衰钱
就算我饿死街头我都唔要
旦：嘿唔要悭翻
生：拒绝钱财我难退婚
盼望如花休变心
呢你是我嘅娇妻
焉能另再婚
嫁夫纵是穷要安份
旦：你确实养妻都无能
重弊过一碌棍
鬼愿共你捱贫
生：唉我不过暂时累你遭苦困
终有日大富来临
旦：请问你何时
至得你穷鬼会转运
我无咁得闲再为你等吖
生：唉妻呀要想真
旦：想去想来都要另配婚
生：阿如花
你须知女慕贞洁
自当从一而终至好
你何必又要贪慕虚荣
我话畀你听
你千祈唔好俾啲万恶金钱
累到你一失足成就会千古恨
旦：喂我而家唔得闲听你
讲古嘅啵要你写分书
脱离夫妻关系
大家各行各路
此后休管女嫁男婚啊
生：唉吔好好
虽则夫妻本是同林鸟
唯是大难临头
都只有各自飞
好啦我唔写都唔得
旦：快啲写啦
生：下笔痛苦已万分
写分书令我断肠甚
小书生抱恨痛心
杏已出墙羞不禁
家声破真不幸
我带病都更被刺激深
拆散鸳盟恨赋仳离
绝爱分书写了令我长怀恨
旦：写完未呀
生：嗱写好喇
旦：畀我睇过先
呀得啦
咁样唔该嗮你咯啵朱先生
生：你死啦你
旦：哎呀
本来我都好唔舍得你架
生：哼我真多谢你呢个无廉崔氏
你刺激起我今后
我都奋斗去做人