文本歌词

落雨大，水浸街，阿哥担柴上街卖。
阿嫂出街着花鞋，花鞋花袜花腰带。
细细个我就识唱呢首歌，嗰时成班朋友仔，排排坐，食果果。
人之初，为谁无过，做错事有父母原谅我，偷下拖。
大个咗，出嚟做嘢成熟咗，发现揾食艰难咯，冇钱咯喎，乜都祸。
收工揾咗阿成出嚟唱下歌，我老细啲衰嘢，你有冇听过？
老细：阿边个边个，咁少嘢都做错，搞到公司损失咗。
一于调你去洗厕所，一系你畀份report我，今个月嘅奖金，冇得攞。
A：（笑住讲）嗨，噉你咪去洗厕所啰
B：喂，你唔系啊哇，你系咪兄弟啊，噉都笑我
A：唉，唔好讲埋啲衰嘢啦，嚟啊，饮杯饮杯。喂我哋只歌喎
落雨大，水浸街，阿哥担柴上街卖。
阿嫂出街着花鞋，花鞋花袜花腰带。
落雨大，广州水浸街，各位兄台已长大。
要知揾银最艰难，双眼通红声沙晒。
细细个我就识唱呢首歌，嗰时成班朋友仔，排排坐，食果果。
人之初，为谁无过，做错事有父母原谅我，偷下拖。
A：喂，讲到拍拖，你大学嗰时候嘅女朋友点啊？
B：哦，冇咯～嫁咗个有钱佬喎，上次同学聚会重见过佢，晒命噉晒。
旧女友：我有部保时捷啊，都唔好坐，都系加长版林肯最啱我。
住喺二沙岛，啲空气又唔好，住响伦敦，我又怕大雾，都唔知点算好。
A：哇哈哈，咁夸张嘅，做戏咁做啊。
B：咪就系啰，唉，唔好讲喇，饮啊～
A：唉，饮啊饮啊。唉，唔得了，哎呀，想劏，你自己唱只歌
B：乜咁咋0架
落雨大，水浸街，阿哥担柴上街卖。
阿嫂出街着花鞋，花鞋花袜花腰带。
落雨大，广州水浸街，各位兄台已长大。
要知揾银最艰难，双眼通红声沙晒。
人比人，比死人，不需理会别人，做好我本分。
好有钱，好有面，梦想未必实现，世上有啲嘢，比钱更值钱！
揾多几多钱，不一定快乐，不需心酸酸，希望在明天。
不管前路多艰险，互勉盼到新一天。
未经许可,不得翻唱或使用