文本歌词

彭炽权、郭凤女 - 打金枝 - 粤剧版
头戴碧玉翡翠冠
身披金楼香云锦
宝玉明珠
嵌着双龙游戏
凤带飘香金铃动
轻移莲步出画屏
玉炉兽鼎
春满宫帏
我哋驸马爷
祝寿回家
向公公贺喜
到如今
黄昏已过
何竟杳杳归迟
我行不安
坐不宁
心似棼丝乱绪
驸马爷
佢违圣谕
可谓胆妄为
启禀公主
今天系汾阳王寿诞之期
驸马爷回府祝贺
公主不允同行
莫非驸马爷有些生气
哎说哪里话来呢
自古君臣有别
我系堂堂公主
点能向朝臣跪拜
若是驸马生气迟归嘛
哼哼
花
佢就系违例欺君
罪名难免
欺君
驸马归来稍慢
定是未散华筵
看来事本寻常
怎能以欺君处断
你哪里知道
招赘之时曾有约
父皇口谕早明言
四条规矩佢不能违
驸马应承才入选
边四条规矩呢公主
乜你都想知咩
等我话畀你听啦
第一睡前和起后
佢要侍奉在我妆前
第二出外限时归
更不能去远
第三红灯高挂后
才许佢进内边
第四无论在何时
要以君臣礼相见
呢的系家规亦系礼制
遵守要齐全
有一不从就以欺君片断
乜咁就算系欺君嘅啦
当然啦
咁驸马爷嘅欺君大罪
公主又将如何处置呢
哀家嘛哀家定要定要
定要饶他一次
哎欺君大罪怎能饶得
我来吩咐于你今晚到咗二更
才将红灯挂起未有红灯
不能擅进好罚他呆站一番
咁就系对欺君大罪嘅处冶啦
睇来都够厉害了啩
够厉害啦够厉害啦
只怕驸马爷生起气来
奴婢无法应付呀
你就系只怕驸马爷生气
就唔怕哀家生气不成
奴婢不敢
谅你不敢记得来
知道
正是金枝玉叶人称羡
驸马府内我为尊
小心侍候
从命
祝寿回来
满胸怒气
恨--骄横放肆
有辱我郭氏门楣
我父寿辰竟不允堂前贺喜
致令哥哥嫂嫂冷语相讥
忿懑难平
且问她是何道理
参见驸马爷
免
驸马爷祝寿迟归
莫非酒多饮醉
何必多问公主现在何处
快告与我知
公主静养深宫早入香甜梦里
--佢好生自在
还不知妇道攸亏
且慢
驸马爷匆忙进宫
难道忘了规矩
你看红灯未挂怎能擅入宫帏呢
这个唉
暂压下心头气
遵守苛刻嘅家规
家规家规
家规我终须要消除你
那时驸马作主持
何以黄昏已过红灯还未挂门楣
你等身作宫娥好应早为预备
二更才把红灯挂公主口喻敢不依
哦噉岂不驸马变作守门官
真真岂有此理
且慢驸马爷擅进宫门
会犯欺君大罪
所谓举足轻重还请驸马三思
这个
唉吔吔
深悔当时答应
守此苛刻嘅家规
哎我纵愿守候在门前
你亦好应去告知公主
公主好梦方浓谁敢扰她清睡
嘿万大事情有驸马爷担戴
要佢亲来迎接莫延迟
快去快去快去
哦我去
噉就请驸马爷稍候门前
待奴婢禀报公主
快去下去
唏估不到司晨报晓
母鸡今日代雄鸡
驸马爷公主睡起梳妆
眉眼满含怒气
说道公主迎接驸马就是不分尊卑
无规矩不能成方圆
要谨守君臣大礼
传谕红灯挂起
驸马三步一拜入香闺
唉吔我气煞了
分明仗势把人欺
心目之中无夫婿
看轻驸马贱如泥
我要毁红灯我更要骂--
方显我丈夫志气
--在哪里--在何处呀
把我嘅好梦惊回为燕为莺都有罪
敢将红灯踏碎是猫是狗也当诛
启禀驸马爷公主驾到喇
哼到咪到啰有乜咁了不起呀
哦哦哦本公主来到堂前
何以驸马不参不跪呀
哼驸马就喺驸马我向谁参跪
喂喂喂你懂唔懂礼教家规㗎又
我当然喺懂得啦
懂得就好我问你一声
今日喺乜嘢嘅日子呀
今天乃喺汾阳王寿诞之期啰
哼好个寿诞之期
咁因何你又不到堂前去贺喜呀又
哼去唔去就由得我
乜你问得太稀奇㗎
哦我就喺要问
你我既成亲咁喺乜嘢嘅关系
你讲吖
当然份属两夫妻
咁你对我爹爹又如何来称谓
你再答我吖
难道公公嗰两个字我也不知
好呀
你为着何事
你为着何事
家翁寿你明知躲深宫
全不理失妇道
你就罪难辞罪难辞
应自知愧死
唉吔真可笑
呢个蠢驴儿
不分皂白放厥辞
常道人横就有所恃
我管他谁个寿诞期
身份不同人各异
我喺堂堂公主
呢你喺郭氏孩儿
你去祝寿就好应当
咁你呢
咁我不称觞此乃喺平常事嘅咋
哎分明强词夺理颠倒是非
你说什么
不去上寿称觞
乃是寻常之事
你说什么
作为媳妇
有别父子情谊
且看哥哥和嫂氏
双双跪拜献颂词
唯独我孤单来贺喜
相形之下愧何如
众哥哥言相戏
众嫂嫂笑还讥
溯本追源由你起
堂前受辱辩无词
所以我特地回来要同你分
分乜嘢
分分
分乜嘢啫
分分分分下道理
哦乜驸马爷要同我分道理咩
好呃人嚟担张凳开嚟
唉吔抵得佢个样吖
我最欢喜人同我分道理嘞
你有你牢骚休想揾我嚟出气
你家众嫂嫂又点能够同我比呢
佢哋喺寻常一妇人
我喺玉叶金枝女
佢哋跪下就好应当
噉我跪有谁受得起呢
哪有公主拜藩王只有藩王拜公主
我不祝寿理当然谁敢说我半句不是
哎吔哎
唉吔吔
真是不知羞耻
要知你父皇把龙位继
怎样嘅底细
当然我知底细
你咪以为唐朝鼎盛万民归
民归
民归又嚸会破败走川西
破败又嚸会有皇位
你家皇位嚸样得返嚟
当然喺传自先皇
咁又喺谁人将佢来保住
喺我父皇佢够福份啰
靠我哋父子挽垂危
想当年烽烟起
安禄山犯京师
玄宗帝逃川去
留肃宗无所依
你父皇遭敌计
凭我父解重围
若不是我哋父子勤王
哪能将你哋唐室保住
说什么金枝玉叶我问你知丑唔知
你胡说
你何德何能将国卫
是非颠倒乱砌词
若非我父皇宠赐隆恩
你父子何来嘅爵位
哎何堪听此风凉话
句句穿刺我心脾
任教菩萨低眉也要无名火起
唉吔
你你好胆呀你
我真唔信你敢放肆
我真唔信你敢放肆
任你胆包天也未敢打金枝
可知父皇爱我胜似掌上明珠
我打完佢都未知
你水浸眼眉还未知道满身死罪
我有乜嘢罪
你有罪
我冇罪
喺嘞喺嘞喺你有十大罪
嗄话我有十大罪
好你讲嚟听下
我有乜嘢十大罪
咁你听住啰啵
你讲
你听住呀
你讲
你听住呀
你讲
哎吔咁大声想吓死我咩
哼唔发火当病猫
你第一罪出外迟归违禁例
你第二罪欺负我贴身好侍女
你第三罪惊醒哀家难入睡
你第四罪入门未见君臣礼
你第五罪出口谰言骂公主
你第六罪恃功骄傲摆架势
你第七罪讥讽先皇逃乱匪
你第八罪诋毁朝廷辱万岁
你第九罪举拳欲打我金枝女
你第十罪
怎么样
敢将红灯来踏碎
哎吔可怒吔
提起红灯二字更令我暴跳如雷
怒上胸膛拳头拳头拳头高举
唉吔
哎呀
你睇驸马爷佢举起拳头
想打我咁话啰啵
嗱驸马爷打啦
打啦嘛
打啦打啦打啦打啦嘛
哼俾你打你都唔敢打嗱我
而家话俾你听呀你打亦有罪时
唔打都有罪嘅喇俾你打你
都唔敢打重算乜嘢七尺男儿呀
哎吔哎吔
哎
你以为我真喺唔敢打你呀
谅你不敢
当真
果然
果然
果然
皇帝女都照打呀
哎吔哎吔你你你
乜你真喺打我㗎
唔喺你估走了
公主驸马爷走远了
岂甘驸马施凌辱
明早奏与父皇知
一日都喺你