00:00/00:00
随时随地任意搜索并下载全网无损歌曲
扫描右侧二维码下载歌曲到手机
免费获取更多无损音乐下载链接
文本歌词
永不满足-吉克子古
ꇎꄮꀋꐥ
ꃰꐛꆈꁏꀕ ꀅꉡꆹꉌꂵꁏ
ꀅꈝꃀꃰꉱꄉ ꇯꉌꂵꃰꍅꄉ
ꀅꉘꁮꆹꀀꑌꇴ ꀅꃅꆳꑵꉙꑵ
ꀅꉘꁮꆹꀀꑌꇴ ꀅꃅꆳꑵꉙꑵ
ꀊꆨꋍꃢꆀꃅꇖꈋꐤꄉꑘꄃꑭꁭꂦꑌꎭꐯꎭꌠꉬꀋꐚ
ꀃꑍꋋꄮꉷꃅꏦꎫꀀꄉꀀꎍꀀꌒꏿꑌꌒꐯꌒꌠꉬꀋꐚ
ꀊꆨꋍꃢꆀꃅꇖꈋꐤꄉꃭꏬꑸꑽꀉꄂꋠꑌꀋꂄꀋꂄꌠꉬꀋꐚ
ꀃꑍꋋꄮꉷꃅꏦꎫꀀꄉꍯꋚꃮꎸꀉꄂꋟꑌꂄꐯꂄꌠꉬꀋꐚ
ꀊꆨꋍꃢꆀꃅꇖꈋꐤꄉꀋꀨꀉꄂꈚꑌꀋꊸꀋꊸꌠꉬꀋꐚ
ꀃꑍꋋꄮꉷꃅꏦꎫꀀꄉꄊꑱꀉꄂꈚꑌꊸꐯꊸꌠꉬꀋꐚ
ꉙ~ ꉙ~ ꉙ~ ꉙ~
ꉙ~ ꉙ~ ꉙ~ ꉐꑱꑷ~
ꀅꃰꊿꋋꑵꇎꃅꇎꄮꂷꇬꀋꐥ
ꋋꑵꋠꆏꀊꋨꑵꌑꌒꉜ
ꋋꑵꈚꆏꀊꋨꑵꌑꌒꉜ
ꇁꄿꑞꆏꁧꑭꉪ ꁧꑭꑞꆏꁧꐧꉪ
ꁧꐧꑞꆏꁦꀑꉪꀉꆺ
ꈾꃚꋟꆏꑸꑽꏾ ꑸꑽꋟꆏꎵꃀꏾ
ꎵꃀꋟꆏꍯꋚꏾꀉꆺ
ꀊꆨꋍꃢꆀꃅꇖꈋꐤꄉꑘꄃꑭꁭꂦꑌꎭꐯꎭꌠꉬꀋꐚ
ꀃꑍꋋꄮꉷꃅꏦꎫꀀꄉꀀꎍꀀꌒꏿꑌꌒꐯꌒꌠꉬꀋꐚ
ꀊꆨꋍꃢꆀꃅꇖꈋꐤꄉꃭꏬꑸꑽꀉꄂꋠꑌꀋꂄꀋꂄꌠꉬꀋꐚ
ꀃꑍꋋꄮꉷꃅꏦꎫꀀꄉꍯꋚꃮꎸꀉꄂꋟꑌꂄꐯꂄꌠꉬꀋꐚ
ꀊꆨꋍꃢꆀꃅꇖꈋꐤꄉꀋꀨꀉꄂꈚꑌꀋꊸꀋꊸꌠꉬꀋꐚ
ꀃꑍꋋꄮꉷꃅꏦꎫꀀꄉꄊꑱꀉꄂꈚꑌꊸꐯꊸꌠꉬꀋꐚ
ꉙ~ ꉙ~ ꉙ~ ꉙ~
ꉙ~ ꉙ~ ꉙ~ ꉐꑱꑷ~
ꀅꃰꊿꋋꑵꇎꃅꇎꄮꂷꇬꀋꐥ
ꋋꑵꋠꆏꀊꋨꑵꌑꌒꉜ
ꋋꑵꈚꆏꀊꋨꑵꌑꌒꉜ
ꇁꄿꑞꆏꁧꑭꉪ ꁧꑭꑞꆏꁧꐧꉪ
ꁧꐧꑞꆏꁦꀑꉪꀉꆺ
ꈾꃚꋟꆏꑸꑽꏾ ꑸꑽꋟꆏꎵꃀꏾ
ꎵꃀꋟꆏꍯꋚꏾꀉꆺ
ꃰꐛꆈꁏꀕ ꀅꉡꆹꉌꂵꁏ
ꀅꈝꃀꃰꉱꄉ ꇯꉌꂵꃰꍅꄉ
ꀅꉘꁮꆹꀀꑌꇴ ꀅꃅꆳꑵꉙꑵ
ꀅꉘꁮꆹꀀꑌꇴ ꀅꃅꆳꑵꉙꑵ
ꀏ~