文本歌词

逐家偎在车窗边心稀微
越头看见阮的乡里心哀悲
今夜欲离开家乡
出外去趁钱
是为着环境所致不得已
妈妈你也毋免挂意
阮逐家会自己注意
可爱的故乡哟
再会啦
妈妈再会啦
逐家来到他乡里心稀微
找来找去也无熟悉心哀悲
自今日踮在他乡怎样活落去
谁人会同情阮是出外人
找头路也无彼容易
毋知欲按怎样才好
天顶的月娘哟
拜托你
替阮找头路
遇到一个老阿伯真好心
讲要替阮介绍大家有头路
给阮的心内欢喜暗暗流珠泪
世间也有像这款好心人
大家着爱认真打拼
不通来辜负着别人
故乡的妈妈哟
有一日阮会回返去